9999999 என்ற அடையாளத்தோடு

கடைசியில் அந்த அதிசயம் நிகழ்ந்தே விட்டது. கடந்த வாரத்தில் ஒரு முறை வந்துபோன 09/09/2009 ஆம் தேதி காலை 9 மணி 9 நிமிடங்களுக்கு குழந்தை ஒன்றை பெற்று சாதித்து விட்டனர் பெரண்டஸும் அவருடைய மனைவி போலியும். இது அவர்களின் மூன்றாவது குழந்தை.அமெரிக்காவில் உள்ள லா குரூஸ் பகுதியைச் சேர்ந்த பெரண்டாசின் மனைவி போலி நிறைமாத கர்ப்பிணியாக இருந்தார்.

லாகுரூஸில் உள்ள ஸ்கெம்ப் மருத்துவ மையத்தில் அனுமதிக்கப்பட்டிருந்த போலிக்கு கடந்த புதன்கிழமை அதாவது 9 ஆம் தேதி காலை 9 மணி 9 நிமிடங்களுக்கு சிசேரியன் மூலம் குழந்தை பிறப்பிக்கப்பட்டது.தன்னுடைய குழந்தையின் பிறந்த தினத்தை மறக்கவே முடியாது என்ற தித்திப்பில் உருகிப்போகிக் கிடந்த பெரண்டஸ் - போலி தம்பதியினருக்கு மற்றொரு மகிழ்ச்சியான ஷாக் செய்தியை கொடுத்தார் செவிலி.அது… அந்த குழந்தையின் எடை 9 பவுண்ட் 9 அவுன்ஸ் என்பது!
9999999 என்ற அடையாளத்தோடு பிறந்திருக்கும் இந்த குழந்தைக்கு ஹென்றி மைக்கேல் என்று பெயர் வைத்துள்ளனர்.

NO LAWS NO LIMITS...& NEVER LOST (EXCEPT SOME)
www.djhillal.blogspot.com